Ent. Iria Márquez, intérprete de lingua de signos; e Dani Méndez, bailarín e profesor | V Festival de Cancións en LSE

O Teatro Municipal de Tui acollerá o mércores, 10 de xuño, ás 18.30 h o quinto Festival de Cancións en Lingua de Signos Española organizado polo Centro Anarela. É un festival solidario polo que a entrada será un quilo de alimentos para SOS Tomiño Baixo Miño, Protectora Aloia, ou Patudos Peludos. Iria Márquez é intérprete de lingua de signos e a responsable dos cursos de lingua de signos que imparten no centro. Hoxe explicaba na Radio Municipal de Tui que no festival participan as alumnas do curso con distintas cancións, e este ano coma novidade haberá unha actuación do grupo de baile Vórtice Dance. Co seu profesor, Dani Méndez, conversamos hoxe tamén sobre a importancia da expresión corporal.