Ent. José Mª Vázquez, responsable doazón e xestión de colecta de ADOS - Doazón de sangue en Tui

“Un alento de vida” é o lema da campaña que este verán leva a cabo a Axencia de Doazón de Órganos e Sangue e que esta tarde chega a Tui. o dr. José Mª Vázquez, responsable doazón e xestión de colecta de ADOS, incidía na nosa sintonía nos obxectivos da campaña e importancia da doazón de sangue xa que cada día son precisas 400 doazóns garantir o axeitado abastecemento de compoñentes sanguíneos aos nosos hospitais. Unha unidade de doazón de sangue estará esta tarde na rúa Casal Aboy, a carón do Centro de Sáude. As persoas que participen na campaña de verán recibirán un agasallo como unha almofada ou un balón de praia pola súa participación e, nesta ocasión, ao carón da unidade móbil instalarase un espazo que simula unha típica terraza de verán. Os doantes poderán inflar un globo que pasará a formar parte da escenografía simbolizando ese aire que supón para moitos doentes recibir unha transfusión de compoñentes sanguíneos.