Ent. Loli Castiñeira, alcaldesa de Salceda de Caselas | Festas do Cristo 2026

Salceda de Caselas vive esta fin de semana tres xornadas de tradición coa celebración das Festas do Cristo 2026. Unha programación que, como definía a alcaldesa Loli Castiñeira, é variada, intensa e pensada para que todas as persoas poidan celebrar e desfrutar. A rexedora salcedense destacou hoxe o especial desta festa, co Acto Cívico Salcedenses Distinguidas/os, o concerto de A Banda da Loba ou a instalación dunha pantalla para ver a final do Mundial de Fútbol este domingo ás 21 h. Con ese motivo, informou de que o concerto da Banda Cultural de Salceda celebrarase finalmente o luns 20, festivo local.