Ent. Noemí Guisande, do Cineclub Tui; e Javier Argüelles, de Galiclown | Proxeccións desta semana

Esta semana o Cineclub Tui proxecta dúas películas en colaboración co Congreso EducODS e outra con Galiclown, pallasos de hospital. Hoxe martes ás 20 h proxecta "Naves misteriosas", con entrada gratuíta; e o xoves ás 21 h "Chinas", con entradas de 2€ para socios e menores de 18 anos e 4,5€ para público xeral. Estas son as propostas en colaboración co Congreso EducODS. "Patch Addams" será a película que se proxecta o sábado ás 19 h, con posterior coloquio con Galiclown, pallasos de hospital. Todo o recadado coa venda de entradas será destinado a esta asociación sen ánimo de lucro. Todas as proxeccións serán no Espazo Sociocultural, tal e coma hoxe explicaron Noemí Guisande, do Cineclub, e Javier Argüelles, de Galiclown.