Ent. Noemí Guisande, do Cineclub Tui | Proxeccións esta semana

Dobre proposta cinematográfica é a que presenta esta semana o Cineclub Tui no espazo Sociocultural da r/Camilo José Cela. Mañá martes, ás 20.30 h, para público familiar van proxectar a comedia “Un amigo para Frank”. Logo o xoves ás 22 h será a quenda de “Wendy e Lucy”, un filme dirixido por Kelly Reichardt e protagonizado pola actriz Michelle Williams. Noemí Guisande do Cineclub Tui daba conta do argumento destes filmes. As entradas teñen un prezo de 2€ para persoas socias e menores de 18 anos e de 4,5€ para público xeral.