Ent. Sandra González, alcaldesa de Tomiño, e Nuria Castro, presidenta de ACUBAM | Mostra de Cultivos do Baixo Miño 2026

A praza Pintor Antonio Fernández de Goián acolle dende mañá e até o domingo a Mostra de Cultivos do Baixo Miño. Será un escaparate ao aire libre para o sector do viveirismo e a planta ornamental, tan importante en Tomiño e no Baixo Miño, e referente tamén a nivel internacional. Non será só unha exposición, senón tamén un punto de encontro, de venda e de formación e divulgación. Tamén haberá espectáculos e non faltará a música. Así o destacaron a alcaldesa de Tomiño, Sandra González, e a presidenta de ACUBAM, Nuria Castro.