EP134 空中泡茶間：秀水啥所在？少年鄉民代表來出聲 ft.秀水鄉民代表陳昀志

聽眾朋友逐家好，這集阿愷之聲Podcast「空中泡茶間」特別來賓是咱彰化秀水鄉民代表陳昀志，逐家莫叫是鄉民代表就一定是老阿伯，昀志是阿愷的彰中學弟，今年猶未三十！ 政治系畢業的昀志，人生目標其實毋是舞政治，但竟然因為COVID-19改變方向。秀水和阿愷住的福興同款，無親像隔壁鹿港遮出名，昀志決定轉來家鄉秀水參選鄉民代表，毋是想袂開，伊讀高中就足關心社會議題，當選代表的理想就是希望家鄉有可能閣較進步。 到底秀水是啥所在？本集節目雖然無任何秀水鄉民代表會的贊助，但是秀水實在是一个好所在，來聽少年代表講出聲！ ►節目好看頭 • 秀水認同按怎來？ • 秀水陝西村（滲屎村）竟然有中國同鄉會來交流？ • 當初為啥想袂開欲選代表？ • 鄉民代表的每一工攏咧創啥？ • 少年代表佇地方的挑戰？ ► 背景相片｜秀水代表和牧草（？ ► 節目音樂｜鹿港新聲閣 ► 歡迎贊助阿愷之聲Podcast：voiceofakai.oen.tw Powered by Firstory Hosting