EP157 文學烏亂濺：哈巴克《防守的藝術》ft.福興游擊手君宥

歡迎收聽阿愷之聲Podcast「文學烏亂濺」單元，2024年會使講是臺灣棒球的冠軍元年，咱頭一遍提著WBSC世界棒球十二強的冠軍，今仔日阿愷拍算邀請我的影像合作aka福興游擊手陳君宥，阮欲來講一本美國的棒球文學《防守的藝術》。 這本小說主要咧寫一位游擊手（shortstop／ショート）得著投手失憶症（YIPS）的故事，佇光彩的球場以外，彼群球員的感情生活。作家哈巴克佇2011年完成《防守的藝術》會使講是人生大出運，佇遮進前，伊對哈佛大學畢業了後茫茫渺渺幾落年，這本小說就親像伊的人生縮影。臺灣佇2012年翻譯出版，咱透過施清真老師媠氣（漂亮）的翻譯文字，會使看見美國棒球文化豐富的一面。 若講棒球親像人生，按呢這本《防守的藝術》就親像咱各自的人生課題，這集阿愷之聲咱就來和游擊手君宥做伙講冊！ ► 來看冊｜哈巴克《防守的藝術》 https://www.books.com.tw/products/0010993939 ► 背景相片｜君宥和阿倫佇溪州練習投球 ► 節目音樂｜鹿港新聲閣 ► 歡迎贊助阿愷之聲Podcast：voiceofakai.oen.tw Powered by Firstory Hosting