EP95 台長時間：真久無和聽眾朋友佇空中五四三囉！

逐家好歡迎收聽阿愷之聲！「台長時間」真久無和聽眾朋友五四三囉，這集節目欲來分享這陣仔台長的生活，閣有製作Podcast拄著的趣味代誌： 1. 來去福興教序大製作Podcast？ 2. 今年是阿愷之聲的歐洲元年？ 3. 這陣子阿愷之聲Podcast的合作對象竟然是？ 4. 最後欲感謝真濟人？ 阿愷之聲做到九十五集，首先感謝聽眾朋友一路以來的支持，因為恁，予本台有機會和其他單位合作。親像節目播出這工（9/11），阿愷透早才來到咱福興的秀厝，來和一群序大朋友介紹Podcast的製作，這是一件困難的任務，到底欲按怎予會當做我阿公阿嬤的村民理解Podcast？我決定對吳樂天講起......。 這幾工台長才對英國轉來，這遍去London主要是和我臺大地理所的教授 #洪伯邑 作伙去皇家地理學會（Royal Geographical Society,RGS）發表阮佇嘉義阿里山做的高山茶研究，轉去百年前的世界茶都發表當代臺灣高山茶按怎面對氣候變遷，到底是啥款的故事受著英國學者的興趣？歡迎聽眾朋友轉去收聽阿愷之聲的特別節目 #阿里山放送！ 阿愷之聲上重要的是愛感謝來到空中接受訪問的特別來賓，透過恁的才情，增添阿愷之聲的光彩，歡迎聽眾朋友轉去聽「#空中泡茶間」，每一集攏是一个精彩的人生故事。當然，對本台來講也是因為有一群死忠的聽眾朋友，因為恁的支持和鼓勵，阿愷之聲才有法度繼續放送落去，再次感謝！ 聽眾朋友，阿愷之聲準備進入一百集，請恁繼續期待！ ＊上電視囉 ：阿愷之聲X公視台語台文化相放伴 https://youtu.be/YB3NdSfl_p0?si=VAMR4bvJYUWhl_MZ ＊歡迎支持本節目： https://open.firstory.me/user/ckowqyem1p4lt08481nvounvr ＊歡迎call in留話予本節目： https://open.firstory.me/user/ckowqyem1p4lt08481nvounvr/comments Powered by Firstory Hosting