EP97 文學烏亂濺：台北最後的田庄？開發案烏雲下的日常生活，社子島少年來講新冊《城中一座島》ft.柳志昀

聽眾朋友逐家好，歡迎收聽阿愷之聲經典的「文學烏亂濺」單元，欲來介紹臺灣最近誠讚的新冊出版，本集的特別來賓是社子島的少年家柳志昀，阮欲來講春山出版今年九月出版的新冊《城中一座島：築堤逐水、徵土爭權，社子島開發與臺灣的都市計畫》。 社子島佇佗？這是一个啥款的所在？ 咱真歹想像，今仔日佇台北市的士林區竟然閣有這款田庄所在，社子島完全保留五十年前台北市的模樣，故事就要對彼段「禁建」的歷史講起。1990年代以後，每一任的台北市長攏想欲開發社子島，但是無人成功，所以這个所在對外地人來講，就一直充滿了「落伍」的印象......。 到底社子島欲按怎開發？抑是有其他開發的可能？ 這陣子臺北大學都市計劃研究所的廖桂賢 老師和一群作者作伙寫了一本社子島的冊，想欲用這本冊予逐家瞭解社子島這个所在。作者群之一的柳志昀，大學讀建築系時開始關心家鄉的開發議題，後來到臺灣大學讀城鄉所繼續探討，最近甚至閣是社子咱的家生活藝術節 的策展人。志昀佇這本冊內底非常幼路寫了社子島的空間和人，閣有這个所在的產業模樣，真正用心。 本集節目，咱來聽這本新冊的作者之一aka社子島少年家志昀，聽伊講細漢佇遮的成長記持，閣有寫作這本冊的故事。 聽眾朋友，有興趣會使來看冊，閣有去社子島行行咧！ ＊來看冊：https://www.books.com.tw/products/0010967252 ＊活動宣傳：2023社子咱的家生活藝術節《厝邊頭尾》時間是2023/10/28-12/31，歡迎參考「富洲社區發展協會」facebook ＊歡迎贊助本節目： https://open.firstory.me/user/ckowqyem1p4lt08481nvounvr ＊歡迎call in本節目： https://open.firstory.me/user/ckowqyem1p4lt08481nvounvr/comments Powered by Firstory Hosting