EP99 自頭講起：來學鹿港腔？一个劇場演員和母語者的互相刺激 ft.劇場演員大件

本集節目是嘉義縣文化觀光局贊助放送 自頭講起，到底鹿港腔按怎學？ 一个劇場演員和母語者到底按怎互相刺激求進步？ 聽眾朋友逐家好，「自頭講起」是第一屆嘉義台語季PODCAST的特別單元，這集特別來賓邀請著嘉義阮劇團非常有才情的演員大領（大件/李冠億）來開講。阮劇團佇2019年改編臺灣文學家王禎和的小說〈嫁妝一牛車〉成作舞台劇，彼當時大領負責演出小說中誠重要的角色「簡仔」，簡仔是鹿港人，出外賺食講了無人聽有的鹿港腔台語是這个角色上大的特色。因為按呢，大領來到鹿港實地田野調查，熟識了阿愷。 彼遍交流的機會，予阿愷和鹿港的序大朋友第一擺意識著「鹿港腔」這回事，而且劇場的訓練加上大領的打拼學習，最後登台演出時，阮阿爸阿母竟然講出：「伊搬了真正有像鹿港人」，這擺的經驗竟然和後來阿愷之聲Podcast的開台有關係？！ 這集節目，阮欲來回顧這段互相學習的往事，閣有這幾年來各自的改變，緊來收聽！ ► 第一屆嘉義台語季｜自頭講起 Tsū-thâu kóng khí 詳細活動消息請參考 平凡講台語 facebook、instagram 時間：2023.09.16 - 11.19 地點：嘉義縣各鄉鎮 活動：庄頭的戲棚跤－搬演講故事、囡仔古真心適－親子講故事、會記得彼一工－主題講故事、工夫到厝－職人講故事、故鄉起行－行讀講故事、空中來相會－網路講故事 ► 這聲好啊 Our Podcast｜EP9 鹿港文藝復興美聲貴公子 ft.阿愷之聲 https://lurl.cc/xyFFFG ► 特別感謝｜萊兒費可唱片、長尻川的鹿港生活PODCAST ► 節目音樂｜鹿港新聲閣 ＊歡迎贊助本節目： https://open.firstory.me/user/ckowqyem1p4lt08481nvounvr ＊歡迎call in本節目： https://open.firstory.me/user/ckowqyem1p4lt08481nvounvr/comments Powered by Firstory Hosting