Especial Selmana de les Lletres Asturianes: David Guardado (Reciella)/#TvnaRadio: Cobertoria Autonómiques/Deprendi astur

Ufiertamos esta selmana un programa especial por mor de la Selmana de les Lletres Asturianes: -Entamamos falando con David Guardado, ún de los que ta detrás de Reciella, asociación de families pol asturianu col qu'afondaremos nel llabor que faen. -Darréu metémosnos na nuesa seición habitual #TvnaRadio col periodista Damián Barreiro que nos cunta cómo trabayen otres televisiones autonómiques díes célebres nos sos territorios. -Pa rematar vamos dir al Colexu Asturamérica de Cuideiru onde escolinos/es d'esti centru lleerán rellatos qu'algamaron dellos premios nel Concursu añal del “Valle del Ese-Entrecabos". Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... www.alderiquesdasturies.com