"ఎసరు -అత్తెసరు ". రచయిత శ్రీ బి వి ఎస్ రామారావుగారు

ఈ వారం మనం వినబోయే కథ "ఎసరు -అత్తెసరు ". రచయిత శ్రీ బి వి ఎస్ రామారావుగారు. గోదావరి నేపధ్యంగా ఈ రచయిత "గోదావరి కథలు " రాశారు. ప్రస్తుత కథలో వాతావరణం , పరిసరాలు , పాత్రల స్వరూప స్వభావాలు , ఆలోచనలు , మాటలు అన్నీ అత్యంత సహజంగా వాస్తవంగా కళ్ళముందు తిరుగాడిన విధంగా రచయిత చిత్రీకరించారు. పాతకాలంలో కుటుంబాల్లో నిత్యం వాడుకునే వంట చెరకు విషయంలో తాపత్రయం ఎలా ఉండేదో మొదలెట్టి.....పెద్దావిడ చేతి "ఉడుకుడుకు "( ఎసరు) "గంజి అన్నానికి " (అత్తెసరు) ఎంతలా కడుపునింపే గుణం ఉందో వివరిస్తూ.....ఆవిడ చేతి అన్నపుముద్ద కోసం ప్రాణాలకు తెగించే సత్తిగాడు తుదకు ఆవిడ రుణం ఎలా తీర్చుకున్నాడో గుండె బరువేక్కే లా కథని ముగిస్తారు రచయిత.