Faafoisia e le Atua ( Divine restoration)

OPEN HEAVENSMATALA LE LAGI MO LE ASO LUA 20 IANUARI 2026(tusia e Pastor EA Adeboye) Manatu Autu: Faafoisia e le Atua ( Divine restoration)Tauloto Tusi Paia: Ioelu 2:25-26 “Ou te taui atu ‘iā te ‘outou o tausaga na ‘aina e le sē akerise, ma le sē aleka, ma le se kasili, ma le sē kasama, o la‘u itūtau‘a tele na ‘ou ‘auina atu ‘iā te ‘outou. Tou te ‘a‘ai lava ma mā‘o‘ona ai, tou te vivi‘i atu fo‘i i le suafa o le ALI‘I lo ‘outou Atua, o lē ‘ua faia vāvega ‘iā te ‘outou; e lē mā fo‘i lo‘u nu‘u e fa‘avavau.”‭‭Faitauga - Tusi Paia: Mareko 8:22-25O le faafoisia e le Atua, o le toe aumaia lea e le Atua o se tagata poʻo se mea i lona uluai tulaga. Mo se faʻataʻitaʻiga, a oʻo ina gaogao se mea na faia e le Atua ia tumu, e manaʻomia le faafoisia e le Atua ina ia toe tumu. E mafai e le Atua ona toe faafoʻisia se tulaga e foliga mai ua leiloa e faavavau. Po’o le a lava le tulaga, ou te fia taʻu atu ia te oe, o loo e auauna i se Atua e mafai ona toe faaola mai ivi mamago ma avea o se ‘au tau malosi (Ezekielu 37:1-14). Ou te tatalo mo oe i le taimi nei, ia toe faafoisia uma e le Alii so o se mea ua leiloa, e foliga mai e le toe maua, i le suafa o Iesu.I le faitauga o le Tusi Paia i lenei aso, ua tatou vaai ai i le tala i se tamaloa tauaso na aumai ia Iesu mo le faamalologa. Na feanu Iesu i ona mata, paʻi atu ia te ia, ma fesili pe mafai ona ia pupula. Fai mai le tamaloa ua ia vaai atu i tagata e pei o laʻau, o lo o savavali. E ta’u mai ai iai tatou, e leʻi fanau mai o tauaso; atonu na vaai muamua i laʻau ma tagata. Sa ia pupula muamua, ae sa iai se mafuaaga na tauaso ai. Na pa’i faalua atu iai Iesu,ona amata loa lea ona manino lana vaai. Na fetaiai lenei tamaloa ma le Atua, ma ua toe faafoʻisia ai lana vaai. Ou te faʻatonuina le toe faafoʻisia e le Atua o so’o se mea lelei ua e leiloa, i le suafa o Iesu.I le Kenese 18:9-14, ina ua asiasi atu le Atua ia Aperaamo ma fai mai o le a fanauina e Sara se pepe i le iva masina, sa ataata Sara. Aua foi i lea taimi, ua 90 tausaga o Sara. I le Roma 4:17-21, o loo faamatala e le Tusi Paia le manava o Sara ua ‘oti’. Ae ui i lea, e i ai i le Atua le mana e suia ai mea e le mafai ona suia. Afai na ia faia le to’ala fanau o se fafine e 90 tausaga e tauave se pepe mo le iva masina ma fanau manuia, o le a se mea e le mafai e Ia ona faia? I le Ieremia 32:27, na fetalai le Atua Silisili Ese: “Fa‘auta, o a‘u lava o le ALI‘I, o le Atua o tagata uma; pe faigatā ‘ea ‘iā te a‘u se mea e tasi?”‭‭Le ‘au pele, poo e manaʻomia se vaega o lou olaga e faafoisia e le Atua? ‘Valaau i le Atua i le asō, e na te faafoisia so’o se mea i lou olaga e lē o galue e pei ona fuafuaina, i lona uluai tulaga. ‘Aua le faaauau le onosa’ia o mea e lē o galue lelei i lou olaga e pei ona finagalo i ai le Atua. E mafai ona ia toe fa’afoisia mea uma ua gaoia e le fili mai ia te oe. Alaga atu ia te Ia i le tatalo ma le faatuatua i lou loto, ona e maua lea le toe faafoisia e le Atua o lou olaga i lana uluai fuafuaga, i le suafa o Iesu.TATALO:Le Tamā e, paʻi mai le Atua ia te a’u, ma toe faafoisia mea uma ua leiloa i loʻu olaga, i le suafa o Iesu, Amene.