Faamanuiaga ma aiaiga (Conditional blessings)

OPEN HEAVENS MATALA LE LAGI MO LE ASO SA 18 IANUARI 2026 (tusia e Pastor EA Adeboye) Manatu Autu: Faamanuiaga ma aiaiga (Conditional blessings) Tauloto Tusi Paia:3 Ioane 2 “Le pele e, ‘ia e manuia i mea uma, ma ‘ia e mālōlō, fa‘apei ‘ona manuia o lou agaga.” ‭‭ Faitauga - Tusi Paia: Teuteronome 28:1-14 O le tele o taimi a tatou tau atu i se faamanuiaga ao faitauina le Tusi Paia, e tatou te fiafia ma tatou avea ma tatou lena faamanuiaga. Peitai ona o a’u o se tagata tau matematika, ua a’oa’oina a’u e iai fuaiupu faafuainumera e faatoa mafai ona maua le taunuuga pe a faamalieina aiaiga. O le tulaga lea a ou vaai i se faamanuiaga i le Tusi Paia, ou te fiafia e saili auiliili aiaiga e tatau ona faamalieina ina ia ‘ou maua ma fiafia i lenei faamanuiaga. O nisi kerisiano, e latou te le maua ma fiafia i faamanuiaga ua maea ona folafola e le Atua mo latou ona latou te le o iloa aiaiga e tatau ona faamalieina ina ia taunuu. O le mafuaaga lea e taua tele lou iloa o aiaiga o loo afifi mai i folafolaga a le Atua ina ia taunuu ma ia faaauau pea nei aiaiga ina ia e fiafia ai pea i nei faamanuiaga. Fai mai le Kenese 12:1-3 “‘Ua fetalai mai le ALI‘I ‘iā Aperamo: “‘Ia tu‘ua e oe o lou nu‘u, ma tagata o lou nu‘u, ma le ‘āiga o lou tamā a e alu atu i se nu‘u ‘ou te fa‘asino atu ai ‘iā te oe. ‘Ou te faia oe ma nu‘u tele, ‘ou te fa‘amanuia fo‘i ‘iā te oe, ‘ou te matuā fa‘amamaluina lou igoa; e manuia fo‘i oe. ‘Ou te fa‘amanuia atu ‘iā te i latou o ē fa‘amanuia ‘iā te oe, ‘ou te fa‘amalaia atu fo‘i ‘iā te i latou o ē fetu‘u ‘iā te oe; e manuia fo‘i ‘iā te oe o ‘āiga uma o le lalolagi.” ‭‭ I fuaitau o loo taua i luga, na foai e le Atua faamanuiaga e fitu ia Aperaamo e fua i aiaiga nei: Na ia faatonu o ia e tuua lona nuu, tuua lona aiga, tuua le fale o lona tamā ae alu atu e saili le nuu o le a ia faasino atu ia te ia. O lona uiga, o le mafai ona taunuu ma fiafia Aperaamo i nei faamanuiaga, sa tatau ona ia faataunuuina aiaiga uma na avatu ia te ia e le Atua. Na tuua e Aperaamo le fale o lona tamā ma lona nuu e saili i le nuu na folafola atu e le Atua e pei ona faatonuina, ae na ia avea le atalii o lona uso (Lota), ma lē faataunuuina ai se tasi o aiaiga. O le iuga, o faamanuiaga na folafolaina e le Atua ia te ia, na taofia seia vavaeeseina Lota mai ia Aperaamo i le Kenese 13:14-15. O le faitauga mai le Tusi Paia o le asō, o loo tusia ai nisi o faamanuiaga matagofie. Peitai, e lē tatau ona e siitia i le faalogo i folafolaga o faamanuiaga, e tatou ona e sailiili aiaiga o loo manaomia. Na fetalai le Atua e tatau ona e faalogo ma le filiga i lana upu ma aua lava nei fulitua iai ina ia e fiafia i nei faamanuiaga. A e faitau i isi fuaiupu 15-68, o le a vaai ai i le taui o le lē faataunuuina o aiaiga o le faamanuiaga. Le au pele e, afai e te faamalieina aiaiga a le Atua, e te maua ma fiafia i ana faamanuiaga. Peitai a e le maua, e lē mafai ona e maua ma fiafia iai. Ia e maitau lelei aiaiga e tatau ona faamalieina ina ia e maua ma fiafia i faamanuiaga a le Atua, i le suafa o Iesu, Amene.