Faatonu le mauga (Dealing with mountains)

OPEN HEAVENS MATALA LE LAGI MO LE ASO FARAILE 9 OKETOPA 2026 (tusia e Pastor EA Adeboye) Manatu Autu: Faatonu le mauga (Dealing with mountains) Tauloto Tusi Paia: Sakaria 4:7 “O ai ‘ea oe le mauga tele e, e fa‘alaugatasia oe i luma o Serupapelu; na te ‘aumaia fo‘i le ma‘a tulimanu aupitoaluga, o lo‘o ‘alalaga, ‘Le alofa tunoa e! ia ‘iā te ia le alofa tunoa.’” Faitauga - Tusi Paia: Iopu 9:1-6 I ni tausaga e tele ua mavae, e iai se fafine e tauoloa a lona tulaga na savali mai i totonu o lou ofisa i se tasi taeao ma fai mai ua fai atu le Atua ia te ia o a’u o lana tane. Na ou matua ofo ma tali atu, ‘e faapefea ona fai atu le Atua ia te oe o a’u o lau tane ae o lea ua ou faaipoipo ma fiafia ma la’u avā, ao lena e fai foi lau tane?’ Peitai na finau mai pea o a’u o lana tane ma ina ua ou iloa e leai se solomuli, na logo loa leoleo. Na faia le poloaiga a leoleo e faasā ona toe sau i le lotoa a le lotu. Peitai e lei taofia ai lenei fafine. E iai le taimi na ia faia se taufaafefe ma fai mai e na te fasiotia au pe afai ou te lē faaipoipo ia te ia. E iai se taimi na ou malaga ai i Lonetona i le tuufaatasia o le tusi faiaoga aso Sa a le Ekalesia ma ou te lei ta’ua i nisi tagata ona na ou manao ou te galue i lea malaga e aunoa ma se faalavelave. Na faateia au ina ua ou taunuu i le fale na ou nofo ai, ae tatagi le telefoni o le fale. Ina ua ou taliina le telefoni, o le fafine lava lea e tasi o loo vili mai. Na faapea mai, ‘Malo lava, ua leva ona ou faatali atu ia te oe, o lea ou te le fale faatali pasi lata atu, toe lava oni nai minute ou taunuu atu’.I le taimi lea, na ou fai iai o le a ou vilia leoleo ma o le a latou faatali atu pe a taunuu atu i le fale na ou iai. Ina ua tuu i lalo le telefoni, na ou liliu atu i le Atua ma faapea atu, ‘Tamā, faamolemole fesoasoani mai ia te a’u’. Na tali mai, ‘afai lava e te faataga le mauga e tumau, o le a tumau’. I le taimi lea, ua ou malamalama o loo ou lavatia pea faiga a le tiapolo e pei o Paulo seia oo ina lē toe lavatia ma faatonu le agaga leaga e alu ese ma le teine i le Galuega 16:16-18. O lea na faia sau tatalo laitiiti i le Atua i lenei mataupu, ona faia lea e le Atua ma e lē toe faalavelave mai lenei fafine ia te a’u. Ou te tatalo e galue atu le Atua Matautia iai latou e lē tuua oe, o loo faalavelave pea ia te oe, i le suafa o Iesu. Le au pele e, e mafai e le Atua ona galue atu i mauga o loo i ou ala i auala eseese. E mafai ona ia avatu le malosi e aea ma savali i luga o nei mauga, pe faalaugatasia nei mauga e pei ona ia faia mo Serupapelu i le tauloto mai le Tusi Paia o le asō. Poo le a lava le auala e faia ai e le Atua, e tatau ona e malamalama, afai lava e lē afaina ma o loo e lavatia se mauga, e tumau ai pea. Peitai o le taimi lava e te tulai ai i le tatalo ma faasagatau atu iai, e afio mai le Atua ma faaali atu ia te oe le ala e faalaugatasia ai. Tau ina foai atu e lē Atua ia te oe le alofa tunoa e te manumalo ai i soo se mauga i ou ala, i le suafa o Iesu. Tatalo Le Alii e, faamolemole tulai mai ma faaali mai le ala tonu e aea pe faalaugatasia soo se mauga i lo’u olaga, i le suafa o Iesu, Amene.