Feeling inferior can be a source of strength to move forward, and it can also be that you can't get out of the deep feelings.

သိမ်ငယ်စိတ်ဆိုတာ လူတိုင်းနီးပါးကြုံဖူး၊ခံစားဖူးကြတဲ့ ခံစားချက်တခုပါ။ အခြားသူများနဲ့ယှဉ်ပြီး ကိုယ့်ကိုယ်ကိုမပြည့်စုံဘူး၊ အသုံးမကျဘူး၊ ချို့ယွင်းချက်တွေရှိတယ် အစရှိသဖြင့် ခံစားရတဲ့အချိန်တွေ ရှိကောင်းရှိနိုင်ပါတယ်။ ဒါဟာ အလုပ်မှာ မိမိတို့ မျှော်လင့်ထားသလောက်ရည်မှန်းချက်ပန်းတိုင်သို့ ရောက်ရှိအောင် မစွမ်း ဆောင်နိုင်တာကြောင့်ပဲဖြစ်စေ၊စာမေးပွဲမှာ အမှတ်နည်း လို့ပဲဖြစ်စေ၊ ကိုယ်နဲ့ သက်တူရွယ်တူတွေလောက်မဖြစ်မြောက်ဘူးလို့ ခံစားရတာကြောင့်ပဲဖြစ်စေ၊ ပုံပန်းသွင်ပြင်ပိုင်းဆိုင်ရာ ကြောင့်ပဲဖြစ်စေသိမ်ငယ်စိတ်၊ ဂုဏ်ငယ်စိတ် (Inferiority Complex) ဝင်တတ်ကြပါတယ်။       လူငယ်တွေအများစုခံစားရလေ့ရှိတဲ့ Inferiority Complex ကတော့ ကိုယ်မတတ်နိုင်တဲ့အရာတွေကို ကိုယ်နဲ့ ရွယ်တူတန်းတူ တွေကလွယ်လွယ်လေးနဲ့ ရယူသွားတဲ့အချိန်တွေမှာ ဖြစ်ပေါ်လာလေ့ရှိပါတယ်။ ဥပမာ ကိုယ်ကပညာရေးနဲ့ ပတ်သက်ပြီး အိပ်မက်တွေရှိတယ်။ အဆင်မြင့်ပညာတွေသင်ယူလေ့လာချင်တယ်။ ဒါပေမယ့်ကိုယ့်မှာ အဲဒီလိုကံမျိုး ပါမလာဘူး။ မတတ်နိုင် ဘူးပေါ့။ ဒါပေမယ့်ကိုယ့်ပတ်ဝန်းကျင်က ကိုယ်နဲ့ တန်းတူရွယ်တူတွေ ကတော့ နိုင်ငံခြားမှာအဆင့်မြင့်မြင့်နေပြီး အဆင်မြင့်မြင့် ပညာတွေသင်နေတာမျိုးတွေကို မြင်ရတဲ့အခါမှာ သိမ်ငယ်စိတ်၊ဂုဏ်ငယ်စိတ် တွေ ဝင်သွားတတ်ကြပါတယ်။