Fotografs Eduards Medvedevs: talantu ir juokūp, juodisciplinej i juopraktizej

Svietejūt foto muokslinīka, Treju Zvaigžņu ordeņa kavalera Juoņa Gleizda symtū jubileju, Rēzeknis nūvoda pošvaļdeiba sadarbeibā ar Latgolys fotografu bīdreibu beja izsludynuojuse foto konkursu malnboltajā fotografejā. 282 daleibnīku i vaira nakai 1000 fotografeju vydā golvonū bolvu pyrmajā bolvys nūtikšonys reizē sajēme fotografs Eduards Medvedevs ar dorbu “Aizturot elpu”, kas bija īsnāgts žanrā “Sports”. Par gūdolguotū biļdi pats autors soka: „Tymā breidī maņ saguoja lobs rakurss, kas fotografam nav mozsvareigs, gaisma i ari veiksme. Principā – lobs kadrys ir atkareigs ari nu fotogrāfa veiksmis, bet tai veiksmei juodūd īspieja – vysu laiku juojem fotoaparats leidza, vajag fotografēt i struoduot.” Rēzeknīts Eduards Medvedevs ir naviņ fotofgrafs, kas jau nu bierneibys cīši īcīnejs taišni malnboltū fotografeju i dorbuošonūs sporta reportažys žanrā, tok jis ir ari fotografejis pedagogs i Austrumlatgolys rodūšūs pakolpuojumu centrā “Zeimuļs” bārnim i jaunīšim vuica fotografiešonys muokslu. Par byušonu pedagogam itamuos dīnuos kai golvanū izaicynuojumu jis skaita taišni byušonu īdvesmojušam i interesantam školuotuojam. Taipat pedagoga dorbā jis saskota ari sovu izaugsmi. „Vysa pyrma, kod es sataiseju tū pulceņu, gribieju īsavuiceit fotografēt studejā. I pats foršuokais laikam koč kū īsavuiceit ir suokt vuiceit cytim.” Malnboltuo biļde Eduardam ir sekuojuse leidza vysu juo dzeivi i vysuvaira jū īdvesmuoja tys, ka biļdi par reizi navar apsavērt. Bet loba fotografa pamatā jis saredz taišni naatlaideigu dorbu. „Talantu ir juokūp, ir juodisciplinej, juostruodoj pi klaidu apstruodis, analizis, vysu laiku juopraktizej.” {module widgetid="4" id="media" action="galleryitem" galleryid="1440" layoutid="49" layout="singlegallery" static=""}