Frå Torvastad til Bergen – og eit lam på vegen!

I den nyaste episoden av podkasten Eder & Galle diskuterer Hobberst og Salte Bryne sin 3–1-siger over FK Haugesund. Dei går gjennom kampen, kven som utmerka seg, og korleis Bryne klarte å sikre seg tre viktige poeng.Ein del av praten går òg til dette mykje omtalte lammet som vart gitt som premie til banens beste – eit stunt som har skapt både latter og diskusjon i fotballmiljøet. Gutane kommenterer responsen og deler sine eigne tankar om kva som er greitt og kva som kanskje går litt langt.Vidare tek dei for seg cupkampen mot Torvastad, der Bryne gjekk vidare. Dei ser tilbake på kampen, og drøymer seg litt bort i kven som kunne vore ein «drøymemotstandar» i neste runde.Til slutt rettar dei blikket mot storkampen mot Brann i Bergen på søndag. Hobberst og Salte håpar på stort oppmøte frå Jærens beste supportarar og snakkar om kva som skal til for å få med seg poeng frå Vestlandshovudstaden.