Galicia en goles venres 19-04-2024

Cada vez queda menos para que remate a liga regular na LEB Ouro de baloncesto. E o Leyma Básquet Coruña perdeu o colchón que tiña obre os seus rivais polo ascenso directo tras caer en Alacant por 84 a 74. Aínda así, a falta de tres xornadas, o equipo laranxa segue dependendo de si mesmo para ascender directamente á ACB. A boa nova chegou en Cáceres, coa vitoria do COB por 71 a 77 que o mantén con opcións de loitar por postos de playoff.