Gauai i lona Agaga (Yield to His Spirit)

OPEN HEAVENSMATALA LE LAGI MO LE ASO SA 4  IANUARI 2026(tusia e Pastor EA Adeboye) Manatu Autu:  Gauai i lona Agaga (Yield to His Spirit)Tauloto Tusi Paia: Kenese 1:2“Sa so‘ona nunumi le lalolagi ma ‘ua gaogao, sa ufitia fo‘i le moana i le pouliuli; na fēgaoioi a‘i fo‘i le Agaga o le Atua i le fogātai.”‭‭Faitauga - Tusi Paia:  Roma 8:6-16O se tasi o vaega na tupu i le Kenese 1, na liua e le Atua le soona nunumi i le malamalama ma le maoti. Fai mai le Tusi Paia sa soona nunumi le lalolagi, peitai ina ua maea ona fegaoioi ai le Agaga o le Atua i le fogatai, na oo mai ai loa le matagofie ma ua faatulaga lelei mea uma mai se lalolagi nunumi ma gaogao sa iai. Ae lei afio mai le Atua i Kenese 1:2, na pouliuli ma gaogao le lalolagi. O le gaogao e lē o se mea lelei. A faapea mai o se tamaitiiti aoga e gaogao le ulu mo se faataitaiga, e atagia ai tusa poo le a le toaga o lea tamaitiiti e fai meaaoga, e lē taitai manuia i le aoga. Ina ua maea ona afio mai le Agaga o le Atua i le Kenese 1:2, na suia i le gaogao i le atoatoa. O le a e iloa ai, na valaau le Atua i mea uma na mulimuli mai ai, e lelei. A fetaiai le itu i le agaga ma la le tino, e manumalo le agaga. Mo se faataitaiga, i le Faamansino 14:5-6, o le Liona o le Ituaiga o Iuta na manumalo faigofie i le liona na osofaia Samasoni aua sa i luga ia te ia le Agaga o le Atua. Talitonu mai, e le mafai ona e ausia se mea e aoga i lenei tausaga i lou lava poto ma le malosi (Ioane 15:5). Peitai a e gauai ia Agaga Paia, o le a e maua le manuia i soo se vaega o lou olaga. A e gauai i le Agaga o le Atua, e na te faatasi ma oe. O lona uiga, e pule o ia i upu e te tautala ai, manatunatuga ma mea e te faia. A tupu lea tulaga, e te maua le suiga e afua mai le agaga i lou olaga, ma o le a tatala vaega sautualasi ia te oe. Le au pele e, gauai ma le atoatoa i le taitaiga a Agaga Paia i lenei tausaga. Faaalu lou taimi e tatalo ai i le Agaga Paia i aso uma ma faalagolago i lana taitaiga i mea uma e te faia (Roma 8:14). Afai e te lei tuuina atu lou ola ia Keriso, e tatau ona e faia muamua ae lei e maua le papatisoga a Agaga Paia. Tautino au agasala, folafola i le Atua e te le toe foi iai ma talia Iesu Keriso e avea ma ou alii ma faaola. A maea ona e faia lea, ole atu i le Atua e papatiso oe i le Agaga Paia ma saili se faifeau moni a le Atua e tatalo ma oe ina ia e maua le papatisoga a Agaga Paia ma le fua o le tautala i gagana eseese. E tatau foi ona e fai ma masani le anapogi pe afai e te manao e gauai lou tino i le taitaiga a Agaga Paia. O le tulaga mulimuli, suesue i lau Tusi Paia ma le filiga i aso uma ma usitai i faatonuga a le Atua. Afai ete faia uma nei mea, o le a galue malosi i lou olaga le Agaga o le Atua ma o mea uma e fai mai e le mafaia, o le a mafaia. TataloTamā, faamolemole ia taitaia a’u e lou Agaga Paia ma faia mea e le mafaia ia mafaia i le suafa o Iesu, Amene.