Genesis 6:1-8 • Ang Lawak ng Kasamaan ng Tao

Ang problema naman nating mga Kristiyano, meron nga tayong tamang pagtingin sa maraming bagay, pero maliit pa rin kung ikukumpara sa kung ano ang nais ng Diyos. Maliit ang tingin natin kay Cristo at sa ating kaligtasan dahil maliit ang tingin natin sa kasalanan. Sa sarili nating kasalanan, maliit ang tingin natin. Pero sa kasalanan ng iba, mas malaki ang tingin natin. At, maliit ang tingin natin sa kasalanan dahil maliit ang tingin natin sa Diyos.