GLP- O MARCO I- A Fala, o tesouro do Xálima (parte I: as súas xentes)

Chega ao Galiportus o primeiro dunha serie de documentos radiofónicos dedicados a descubrir as peculiaridades das fronteiras. Nace "O MARCO" como espazo complementario no que, mediante investigación e conversas, tentamos chegar a cada recuncho galaico-portugués (e non só) onde os limites son só mentais. Para aqueles que ollades sempre para o lado de alá, explorades e non vos conformades con lindes impostos, este é o voso programa. No primeiro capítulo imos até o norte de Cáceres para ver "in situ" o tesouro lingüístico que aínda alí pervive: unha fala agalegada, orgullo das xentes de Valverdi do Fresnu, San Martiño de Trebellu e As Ellas. Unha marabilla poder falar e desfrutar, máis tamén preguntarnos polo presente e futuro desta fala supervivinte no tempo. Temos a sorte de palpar todo isto de primeira man coas testemuñas dos protagonistas. Non volo perdades!!