國外的月亮特別圓？離鄉別井後發現，每個地方都有自己的模樣

電訪: FB「留德趣談」版主留德 「外國的月亮比較圓！」每當說到移民、留學或生活，總有人羨慕外國的環境、制度與生活品質，彷彿只要換一個地方生活，所有問題都能迎刃而解。然而，FB「留德趣談」版主留德認為，世界上沒有完美的國家，真正重要的是那個地方是否適合自己。 從香港移居德國多年的他，在當地適應得相當順利。留德說：「係享受嘅，如果唔享受夾硬住喺度就攞苦嚟身。加上我對德國都算係認識，又識得德文，起跑線比較前，所以我就覺得喺德國嘅適應上係冇咩問題。」 不過，真正住下來之後，他也發現德國和想像中的並不完全一樣。 「首先第一就係德國嘅火車巴士經常遲到，原本以為德國人好重視準時，但係火車公共交通就調返轉，成日都遲到，最衰就係取消。」可能許多人對德國的印象都是嚴謹守時，但實際生活中，公共交通延誤甚至取消班次根本是日常，長途出差時尤其令人頭痛。 另一個讓他意外的，是德國人的世界觀。「香港人認識呢個世界係多過德國人認識呢個世界。對於自己所住嗰個鎮以外嘅嘢，佢哋可以非常唔認識。」香港作為國際城市，即使沒有經常出國，也很容易接觸到世界各地的資訊；反而有些德國人的生活圈主要圍繞在自己的城鎮與歐洲地區。 當然，德國也有很多值得欣賞的地方。留德說：「德國人普遍好節儉，譬如新出嘅手機、電子器材或者衫，佢哋唔會一窩蜂去買，慳儉同量入為出值得學習。另外，德國人亦都好尊重動物，尊重大自然，對大自然有一種敬畏。」 而德國與香港的文化，其實沒有想像中那麼遙遠，譬如香港的廣東話融入不少英語和日語詞彙，德語也受到法語、英語、義大利語及土耳其語等影響，香港跟德國都是經過不同文化的洗禮之後，再建構出自己的文化。 因此，當有人詢問德國是否適合港人移居時，他的建議是：要看個人的性格與心態。 「你呢個人嘅性格係點樣？首先你鍾唔鍾意德國？有人會覺得德國好悶㗎喎，德國係冇香港嘅生活咁多姿多彩，係唔係頂得住呢？同埋你有冇心去學德文？有冇心融入當地生活？」 其實，不管移居到哪個地方，都要願意學習當地語言、理解當地文化。國外的月亮未必特別圓，但只要用開放的態度去學習，用心融入當地生活，就能活出自己的自在。