"హైలీ కమాండబుల్ సర్టిఫికెట్ " రచయిత డాక్టర్ నక్కా విజరామరాజు

కథాభిమానులకు నమస్కారం 💐🙏. ఈ వారం మనం వినబోయే కథ "హైలీ కమాండబుల్ సర్టిఫికెట్ " రచయిత డాక్టర్ నక్కా విజరామరాజు. ఈ కథ ఆయన రాసిన "భట్టిప్రోలు కథలు " కథా సంకలనం లోనిది.అమరావతి కథల్లాగా అన్నీ మంచి కథలున్న ఆ కథాసంకలనం లోంచి ఏ కథ ఎంచుకోవాలో సమస్య అయ్యింది. ఆఖరికి బాల్యానికి సంబంధించిన ఈ కథ ఎంచుకున్నాను.కారణం మన అందరికి బాల్యం మధురమైనది. బాల్య జ్ఞాపకాలు మధురతరమైనవి.బాల్యం కన్నా రుచిగా ఉండేది బాల్యం గురించిన జ్ఞాపకాలు.అలా నేను పుట్టి పెరిగిన తెనాలి, కొల్లూరు ప్రాంతాల్లో నిజ్జంగా జరిగిన విషయాల్ని గుర్తుకు తెస్తూ రాసిన ఈ కథలో పాత్రలు అందరూ నాకు తెలీకపోయినా డ్రాయింగ్ మాస్టారు వెల్లటూరి పూర్ణానంద శర్మ గారు నాకు బాగా జ్ఞాపకం.చిన్నపుడు ఒకటి రెండుసార్లు ఆయన్ని చూశాను ఈ కథలో రచయిత నాన్నమ్మ , తన మనుమడికి డ్రాయింగ్ పోటీలో బహుమతి వస్తే ఆ విషయాన్ని మొదటగా మనవడు చెప్తే పట్టించుకొనట్టు కనిపించి ఆ తర్వాత ఇరుగు పొరుగులతో ఎంత ఘనంగా పార్టీ చేసుకుందో గమనించిన రచయితకు మనసు పొంగిపోతుంది, ఆమె ప్రేమకు. కథలోని విషయం చిన్నదే అయినా , తెలుగు వారికే ప్రత్యేకమైన ఇంటి పేర్లతో సహా పాత్రలను పరిచయం చేసి ,అత్యంత సహజంగా కథను రూపొందించిన విధం మనలో ప్రతి ఒక్కరినీ , ముఖ్యంగా పల్లెటూరి జిల్లాపరిషత్ స్కూళ్లలో చదువుకున్న వాళ్ళని "పంచ రంగుల "తీపి జ్ఞాపకాలలోకి తీసుకువెళ్తుంది ఈ కథ. వినండి డాక్టర్ నక్కా విజయరామరాజు గారి కథ Highly Commendable Certificate.💐🙏మీ కొప్పర్తి రాంబాబు , విశ్రాంత ఉద్యోగి , ఇండియన్ బ్యాంక్ , విశాఖసాగరతీరం.