Hegaldia

Lehen aldia da metroa hartzen duguna pandemia hasi zenetik. Penn Station-era goaz. Aireportura doan trenean ia ez doa inor. Are gutxiago JFK aireportuko tren hegalarian. Ate bakarra dago zabalik zazpigarren terminalera sartzeko. Maletak utzi ditugu. Pasaporteen kontrola. Maskara kentzeko agindu digu goardiak aurpegiak ezagutzeko. Aurrera. Tenperatura hartu digute gero. Umeari agindu diote kopetako ileak baztertzeko bestela ezin diote hartu. Ez du moztu lau hilabeteetan. Gaueko hegaldia dugu. Zalantzak izan ditugu azken egunetan, artega egon gara, hegaldiak ez ziren betetzen eta bertan behera uzten ziren asko eta asko. Badirudi hau aterako dela.