Hugo Cortina del SNL Samartín del Rei Aurelio: 'Tamos percontentos cola acoyida d'esta campaña qu'entamemos'

Entamamos col editorial del nuesu presidente Inaciu Galán y afondamos nel nuesu programa nel llabor que faen les nomaes Oficines de Normalización Llinguística qu’hai en dellos conceyos y fasteres d’Asturies. Vamos dir concretamente pa Samartín del Rei Aurelio porque esti pasáu mes de setiembre col enfotu de potenciar l’emplegu de la so toponimia oficial, aprobada por decretu nel añu 2008, desendolcóse nesti conceyu de les Cuenques Mineres, una iniciativa cola que se pretendía informar a la población, l’alministración y los medios de comunicación de los nomes de los pueblos que tienen d'usase. Baxo’l títulu “Mes de la toponimia”, lleváronse a cabu distintes actividaes encaminaes a esi oxetivu. Pa ello dámos-y la bienvenía al nuesu programa radio a Hugo Cortina, responsable de la Oficina de Normalización Llingüística de Samartín del Rei Aurelio. TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes......