«Hvør er størri, tann, ið situr til borðs, ella tann, ið tænir?»

Í sendingini "Skrivað stendur" lesa vit prædikutekstin til sunnudagin og siga frá hugtøkum og øðrum, sum eru tongd at honum.   Hans Andrias Sølvará og Noomi Gregersen Hans Andrias Sølvará, proffessari í søgu, og Noomi Gregersen, verkætlanarleiðari í Fargen, eru gestir í sendingini.   Prædikuteksturin stendur í Luk. 22,24-32. Tænarin er størstur; Jesus boðar avnoktan Pæturs v24: Men tað varð eisini orðadráttur teirra millum um, hvør teirra mundi tykjast at vera størstur. V25: Og hann segði við teir: «Kongar fólkanna ráða yvir teimum, og teir, sum á teimum hava valdið verða nevndir vælgerðarmenn. V26: Men soleiðis eigur ikki at vera hjá tykkum, men hin størsti tykkara millum verði sum hin yngsti, og tann, ið ræður, sum tann, ið tænir. V27: Tí at hvør er størri, tann, ið situr til borðs, ella tann, ið tænir? Man ikki tann, ið situr til borðs? Men eg eri millum tykkara sum tann, ið tænir. V28: Men tað eru tit, sum hava hildið út hjá mær í freistingum mínum. V29: Og eg fái tykkum kongadømi, eins og faðir mín hevur fingið mær tað, v30: fyri at tit skulu eta og drekka við borð mítt í mínum ríki og skulu sita í hásætum og døma Ísraels tólv ættir. V31: Símun, Símum, sí, Sátan hevur kravt tykkum, at sálda tykkum sum hveiti. V32: Men eg havi biðið fyri tær, at trúgv tín ikki má tróta; og tá ið tú einaferð er vendur um, tá styrk brøður tínar.»   Armgarð Arge og Kári Sólstein leggja sendingina til rættis.  Hevur tú viðmerking til sendingina, ber til at skriva til teldupostbústaðin: [email protected]