Ia malamalama (Let there be light)

OPEN HEAVENSMATALA LE LAGI MO LE ASO GAFUA 5  IANUARI 2026(tusia e Pastor EA Adeboye) Manatu Autu:  Ia malamalama (Let there be light)Tauloto Tusi Paia: Kenese 1:3 “‘Ua fetalai mai le Atua, “‘Ia malamalama;” ‘ona malamalama ai lea.”‭‭Faitauga - Tusi Paia:  Galuega 3:1-8Ina ua fetalai le Atua, ‘Ia malamalama’, i le tauloto mai le Tusi Paia o le asō, o lona uiga faigofie, sa iai le pouliuli muamua atu, ma i le taimi lea, e lei oo mai le malamalama. O le fuaitau ‘Ia malamalama’ e faamaufaailoga ai le iuga o faanoanoaga ma le amataga o le olioli. I le Salamo 30:5, fai mai le Tusi Paia, e afe ane le tagi i le afiafi, a o le ‘alaga fiafia i le taeao. E suia le faanoanoa i le olioli pe a oo mai le malamalama. E faapena foi ona liua le nunumi i le manino pe a oo mai le malamalama. Afai e te malaga atu i luga o le auala tele ae faafuasei ona pepē moli o le taavale, e te ono iai i le pouliuli. I lea tulaga, e tatau ona e taumafai e ave le taavale i tua ma le auala aua e lamatia le ave o le taavale i luga o le auala i le pogisa. O le mafuaaga lea e faatusa foi o le pogisa i le tumau i le tulaga e tasi, aua foi e leai se gaioioi pe a pouliuli le siomaga. Peitai a faaleleia le taavale ma ua toe mumu molī, ona e faaauau lea o le faigamalaga. A iai le malamalama, e iai lava le alualu i luma. Ou te tatalo ia oo atu le malamalama i lou olaga i lenei tausaga, ma tafiesea le tumau i le mea e tasi. O lenei tausaga, o le a e maua le alualu i luma ma le olioli, i le suafa o Iesu. I le faitauga mai le Tusi Paia o le asō, ua tatou faitau ai i se tamaloa na fanau mai o pipili. I le tele o tausaga, sa ave o ia i le tulaga e tasi i aso uma sei aisi ai mo tupe. Sa tumau i le tulaga e tasi mo lona olaga atoa, peitai, ina ua asiasi ia te ia le Atua matautia, e le gata na amata ona savali, ae sa osooso foi ma vivii i le Atua. Na susulu le malamalama ia te ia aua na ia fetaiai ma Iesu e tauala ia Peteru ma Ioane, ma ua ia maua le suiga atoaatoa o lona olaga. A oo mai le malamalama o le Atua i lou olaga, e te gaoioi atu i luma ma luga atu. E masani i tagata le momoe i le po ma o le mafuaaga lea na fai mai ai le aposetolo o Paulo i le 1 Tesalonia 5:7, o i latou e momoe, e latou te faia i le po. E masani lava ona leai se mea e faia pe a momoe tagata. Peitai, a malama mai le aso fou, e oo mai le malamalama, ona feala mai lea o tagata ma fai galuega e masani ai i aso uma. E aveesea le tulaga lē gaoioi ma suia i le galue pe a oo mai le malamalama. Le au pele e, ou te tatalo ia susulu atu le malamalama o le Atua i soo se vaega o lou olaga. E leai se tumau i le mea e tasi i lou olaga, ma i lenei tausaga atoa, o le a e gaoigaoi atu i luma ma luga atu i le suafa o Iesu. TataloTamā, faamolemole ia oo mai lou malamalama i so’o se vaega o lo’u olaga i lenei tausaga i le suafa o Iesu, Amene.