If you want to enjoy the outcome of your efforts, you must be persistent and diligent.

လူသားတိုင်းက ဘဝမှာ အောင်မြင်မှု အနှစ်သာရကိုခံစားချင်ကြသူတွေချည်းပါပဲ။ ကြိုးစားမှုရဲ့ အသီးအပွင့်ကို ရရှိပိုင်ဆိုင် ချင် တယ်ဆိုရင်တော့မဆုတ်မနစ်တဲ့ ဇွဲနဲ့ လုံ့လ ဝီရိယ စိုက်ထုတ်တတ်ရမှာဖြစ်ပါတယ်။ ဒီလိုမှ မဟုတ်ဘဲလမ်းတစ်ဝက်မှာ အရှုံး ပေးလိုက်မယ်ဆိုရင်တော့ အရှေ့ပိုင်းမှာ ကြိုးစားထားသမျှတွေသဲထဲ ရေသွန် ဖြစ်သွားမှာ အသေအချာပါပဲ။ တကယ်အောင်မြင်ချင်တယ်ဆိုရင် “မဖြစ်ဖြစ်အောင် လုပ်မယ်ကွာ၊ ချမယ်ကွာ” ဆိုတဲ့တုံးတိုက်တိုက်၊ ကျားကိုက်ကိုက် စိတ် ဓာတ်မျိုး လိုအပ်ပါတယ်။ဒီလိုစိတ်မျိုးရရှိအောင် Self-Motivation ဆိုတဲ့ ကိုယ့်ကိုယ်ကိုယ် စိတ်ဓာတ်တက်ကြွလာအောင် ကိုယ် ကိုယ်တိုင် လုပ်ဆောင်ဖို့လိုအပ်ပါတယ်။ ဒါပေမဲ့ကိုယ့်ကိုယ်ကိုယ် စိတ်ဓာတ်တက်ကြွလာအောင် လုပ်ဆောင်ရတာလည်း အပြော က လွယ်သလောက်လုပ်ရတာကတော့ ခက်ပါတယ်။ အထူးသဖြင့် ကိုယ့်မှာ ခြေကုန်လက်ပန်း ကျနေတဲ့ အချိန်၊ကိုယ့် ကို ငွေရေး ကြေးရေးအရရော၊ စိတ်ပိုင်းဆိုင်ရာ အရပါ ထောက်ပံ့ပေးမယ့်သူမရှိတဲ့အခါ Self-Motivation ဖြစ်ဖို့ အင်မတန် ခက်ပါတယ်။