In Daily Life, Emotions Need To Be Divided Into Compartments.

နေ့စဉ်ဘဝမှာ အကန့်တွေ ခွဲထားတတ်ဖို့ ၊ ရောမချဖို့သိပ်အရေးကြီးတယ်။ အသက်တစ်ရာ မနေရ ၊ အမှုတစ်ရာ ပွေရ ဆိုသလို ပါပဲ နေ့စဉ်နဲ့အမျှပြဿနာတွေ ၊ အရှုပ်ထုတ်တွေ အမြဲ ကြုံရပါတယ် ။ ဒီအရှုပ်တွေကို ရှင်းလိုက် ၊ နောက်ထပ်အရှုပ်တွေ ပေါ်လာ လိုက်နဲ့  ဒုက္ခနဲ့ ဘဝကယှဉ်တွဲနေတာမျိုးပါ။ ဒီအရာတွေဟာ မတွေ့ချင်လို့ ရှောင်နေလို့ရတဲ့အထဲ မပါဝင်ပါဘူး ။ဒါတွေကို ဖြေရှင်းတဲ့အခါမှာလည်း အကန့်တွေ ခွဲတတ်ဖို့ ၊ ရောမချမိစေဖို့အရေးကြီးပါတယ် ။                                                             အိမ်မှာဖြစ်တဲ့ ပြဿနာကို အိမ်မှာထားခဲ့ ၊ အလုပ်ကိုသယ်မသွားနဲ့ ။ အလုပ်မှာဖြစ်တဲ့ အရှုပ်ထုပ်တွေကို အလုပ်မှာ ဖြေရှင်းခဲ့၊မိသားစုအပေါ် ဖြေမချမိစေနဲ့ ။ ကိုယ့်မိသားစုနဲ့ ဖြစ်တဲ့ ပြဿနာကို ၊ချစ်သူရည်းစားဆီ ပုံမချမိစေပါနဲ့။ ကိုယ့်အလုပ်မှာ ဖြစ်တဲ့ ပြဿနာကို အိမ်သူဇနီးမယား၊ သားသမီးတွေ အပေါ်ပုံချတတ်တဲ့ ဖခင်တွေရှိပါတယ် ။ ကိုယ့်ရဲ့အလုပ်မှာ ဖြစ်တဲ့အခက်ခဲဟာ ကိုယ့်တာဝန်ပါပဲ ။ မိသားစုအပေါ် အပူမခံခိုင်းသင့်ပါဘူး ။ တစ်ချို့ဖခင်တွေဟာ လမ်းမှာကားပိတ်တာကအစ၊ အလုပ်မှာပြဿနာ ဖြစ်တာ ၊ အခြားလူအပေါ်သည်းခံပေးရတာတွေကို ကိုယ်နိုင်တဲ့ မိသားစုဆီ ဒေါသတွေ အန်ချတတ်ကြတယ် ။ ဒါက သံသရာ လည်နေတော့တာပါပဲ။ ဖခင်ဖြစ်သူကိုယ်တိုင်က ဒီလိုလုပ်နေရင်း မိသားစုက မပျော်နိုင်တော့ဘူး။နွေးထွေးတဲ့ ဆက်ဆံ ရေးတွေ ပျောက်ဆုံးလာပါလိမ့်မယ်။ သားသမီးတွေရဲ့ စိတ်ဒဏ်ရာတွေဟာ အဲ့ဒီကနေ စတာပါပဲ ဖြစ်ပါလိမ့်မယ်။