Inaciu Galán:'Foi un Congresu áu medren les vocalíes pa facer un trabayu más específicu'/#TVnaRadio:Tiempu/Deprendi:che

Ufiertamos un nuevu programa selmanal onde vamos cuntar con trés convidaos: -Entamamos falando con Inaciu Galán, escoyíu nel so segundu y últimu mandatu como Presidente d'Iniciativa pol Asturianu ñacía nel mes d’ochobre de 2011 y que dende entós vien poniendo la so voz na reivindación llingüística, denunciando casos de discriminación y llevando a cabu avances al traviés de la reivindicación, la negociación y la collaboración con otres entidaes públiques y privaes. -Na nuesa seición #TvnaRadio , el periodista Damián Barreiro afonda güei nos estremaos mapes del tiempu nes televisiones autonómiques del estáu y la so importancia n'acutar el territoriu al que van destinaos. -Pa rematar ye la nuesa mayestra Ana María Suárez la que mos deprendi la cultura de los vaqueiros y apórtanos la pallabra "entamar". Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com