Inaciu Galán: 'Hai tovía una serie minoríes n'Asturies con munchu poder con zunes a la escontra l'asturianu'

Güei nel nuesu programa afondamos con Inaciu Galán, Presidente d'Iniciativa pol Asturianu, na engarradiella que s'entamó coles consecuencies curriculares que va aportar l'aplicación de la nueva llei d'educación (LOMCE) n'Asturies. Una rueda prensa de la diputada del PP, Susana López Ares, nes que criticaba al gobiernu asturianu por nun incluyir en Primaria la posibilidá d'estudiar una segunda llingua estranxera amás de delles informaciones del periódicu "La Nueva España"; fixieron que se convocare una rueda prensa na sé de la másima insitución llinguística del país pa refugar esti nuevu ataque al nuesu idioma propiu. TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes......