Informativo A Coruña 8:45 - 15/06/26

O primeiro incendio de consideración da provincia, rexistrado este venres en Padrón, entre Herbón e Carcacía, avanza cara a estabilización, grazas ás chuvias que caeron na noite do sábado ó domingo...Hai 350 hectáreas queimadas, segundo as últimas informacións de medio rural..A Xunta mantén o nivel de alerta DÚAS, por prevención, pero, xa non hai veciños desaloxados.-Clamor social na Illa de Arousa este domingo contra a reapertura da mina de Touro-O Pino por parte da empresa Cobre San Rafael. Foi nunha manifestación conxunta coa plataforma contraria ó macroproxecto de Altri en Palas de Rei, e en defensa da auga e do noso litoral-Un equipo de investigadores do CSIC recolle mostras na ría de Ferrol para estimar a densidade da poboación de zamburiñas e afondar no coñecemento das súas características biolóxicas e reprodutivas. Trátase do único banco natural explotable desta especie en toda Galicia.-Manifestación hoxe convocada polas familias do IES de Carral, logo de que a directiva do instituto dimitise en bloque o pasado xoves. O motivo: a falta, dín, de planificación da Xunta ao querer implantar unha FP básica no centro o próximo cursoEscuchar audio