Ísland og Noregur leggja áherslu á sérstöðu og sameining sveitarfélaga

Íslenskir og norskir embættismenn, sendiherrar og ráðherrar leggjast þessa dagana á eitt og minna Evrópusambandið á sérstöðu ríkjanna tveggja og að þau séu órjúfanlegur hluti af Evrópska efnahagssvæðinu. Óttinn er að Ísland og Noregur lendi á einhvern hátt í skotlínunni, þegar og ef til þess kemur að viðskiptastríð brjótist út fyrir alvöru milli Evrópusambandsins og Bandaríkjanna. Ljóst þykir að framkvæmdastjórn ESB lítur á Ísland og Noreg sem eina heild í þessu samhengi. Fjöldi sveitarfélaga stefnir að viðræðum um sameiningu á næstu árum en markmið stjórnvalda um að árið 2026 verði engin sveitarfélög með færri en þúsund íbúa, er enn langt undan. Enn eru fjögur sveitarfélög þar sem skráðir íbúar eru færri en hundrað. Á morgun hefst í Héraðsdómi Reykjaness aðalmeðferð í einu umfangsmesta skattrannsóknarmáli Íslandssögunnar þar sem fiskútflytjandi er sakaður um hundruð milljóna króna skatta undanskot. Kona sem vann fyrir hann og maður sem átti við hann viðskipti hafa þegar hlotið dóm en sjálfur telur hann rannsókn skattayfirvalda vera svo gallaða að það brjóti í bága við mannréttindasáttmála Evrópu.