Iyán Vigil @unmajete :"Nel DNI han de ponese los nomes n'asturianu como Llangréu" / Xornaes de llingua en Gasteiz

Esta selmana falamos nel nuesu programa con dos protagonistes: -A lo primero, vamos pa Llangréu onde Iyán Vigil tentó poner nel so DNI esti topónimu aprebáu n'asturianu y atopó un garrapiellu pilancos na comisaría policía. Afondaremos nel so casu. -Darréu diremos pa Vitoria/Gasteiz n'Euskadi onde la Oihaneder Euskararen Etxea (Casa del euskera) dedicó dos xornaes a la llingua asturiana cola participación d’Iniciativa pol Asturianu. Ellí ta'l so Presidente Inaciu Galán que mos aportará tolos detalles d'esti intercambéu cultural. Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com