Juoņa Ivanova Rēzeknis muzykys vydsškolys spāks vaicojams komandā

Šudiņ mes asam nūbraukuši iz vītu, kur jau deveņdesmitū godu skaņ instrumenti i skaneigi bolsi, iz latvīšu slovonuo komponista Juoņa Ivanova vuordā nūsauktū Rēzeknis muzykys vydsškolu. Ite, zam vīna jumta, muzicej i vuicuos spieluot vysaidus muzykys instrumentus bārni i jaunīši.  Vydsškolā storp jau īrostom tausteņinstrumentu, steigu i pyušamūs instrumentu, vokala, muzykys viesturis i dirigiešonys izgleiteibys programom ite var vuiceitīs ari tradicionalū i džeza i myusdīnu ritmu muzyku. Sarunā pīsadola Juoņa Ivanova Rēzeknis muzykys vydsškolys direktors Raimonds Arbidāns, vuiceibu dalis vadeituoja Vineta Briede-Dzanuška, projektu vadeituoja Ināra Groce, Tradicionaluos muzykys nūdalis vadeituoja Liene Brence i Džeza i myusdīnu ritmu muzykys nūdalis pedagogs Mārcis Lipskis. Direktors Raimonds Arbidāns, kurš itymā omotā struodoj viņ nu ituo goda suokuma, ir puorlīcynuots, ka spāks i vierzeiba ir komandā i sadarbeibā.  Izsverūt, ka jaunim muzikim itūšaļt te ir vysys īspiejis augt i tikt par pasauļa leiminī konkureitspiejeigim profesionalim. {module widgetid="4" id="media" action="galleryitem" galleryid="1258" layoutid="49" layout="singlegallery" static=""}