Juoņs Kondrāts i juo ols – “Žbans”

Ludzā, Kondrātu saimis veikala “Cymuss” telpuos, tuos saiminīku Līgys i Ērika dāls Juoņs Kondrāts jau kaidu strēči vuorej olu ar latgalisku nūsaukumu – “Žbans”. Pyrma kaida laika pi juo beja nūbraukuse Laura Sondore, kab dazynuotu, kai tod itys process ite nūteik. “Līkam jū itamā kotlā, tod ar filtru līkam īsolu, i tod aptyvai divejis stuņdis ar trejom pauzem jis filtrejās, ka tys beidzīs, tod es iznamu īsolu i vuoreju ols. Pīlīku apeiņus, tod maņ vēļ ir kas kluot, kū es dalīku, nasceišu kū, i tod raudzejamajūs traukūs divejis nedelis vyss ryugst.”   Ruodūt nalelus speideigus metala kubuleņus, kur tod ari nūteik vysi ola gataveišonys procesi aptyvai mieneša garumā, stuosta Juoņs.  “Vīns nu munu dzedu taiseja veina, ūtrais ola. I es gribēju paraudzeit, paraudzeju taiseit veina, vystik ols izaruodeja tyvuoks. Suoku pa svātkim taiseit saimē, vysim patyka, i kod maņ, atbraucūt nu Vuocejis, divejis nedelis daguoja sēdēt karantinā, izdūmuoju, ka vajag tū vysu legalizēt i leluokūs apjūmūs. Tys ir taids lobs īrūcs, kab varātu iz Ludzu atvylynuot turistus.”