കാർദ്രവേയകുലതിലക-നളചരിതം മൂന്നാംദിവസം

ഉണ്ണായിവാര്യരാൽ വിരചിതമായ നളചരിതത്തിലെ മൂന്നാംദിവസത്തെ കഥയിൽ ബാഹുകന്റെ പദം. ബാഹുകവേഷധാരിയായി തീർന്ന നളൻ താൻ രക്ഷിച്ചതും, തന്നെ ദംശിച്ചതുമായ നാഗം കാർക്കോടകനാണ് എന്ന് മനസ്സിലായപ്പോൾ അദ്ദേഹത്തെ വന്ദിച്ചുകൊണ്ട് തന്റെ കാര്യങ്ങൾ ചോദിക്കുന്നതായ പദമാണിത്. കുറുപ്പാശാന്റെ മറ്റൊരു അമൃതസംഗീതം. ശിങ്കിടി പാടുന്നത് കലാ:ഹൈദർ അലി. *'കാ'യെന്നു നീട്ടി രാഗഭാവത്തെ വെളിവാക്കിക്കൊണ്ടും 'വേയാ' എന്ന് ഇഴുത്തം കൊടുത്തുകൊണ്ടും, 'തിലകാ' എന്നിടത്തെ സംഗതിയോടുകൂടിയുമുള്ള പല്ലവിയുടെ മനോഹരമായ ആലാപനം. *'ആദ്രഭാവം'-ഇഴുത്തം, 'നിൻ മനക്കാമ്പിൽ'-സ്ഥായി പ്രയോഗം, 'വേണമെന്നിൽ'-സഞ്ചാരം. *'മാമക'-സഞ്ചാരം, 'കടിച്ചു ദേഹം'-സ്ഥായിപ്രയോഗം, രണ്ടാമത്തെ 'ദേഹം'-പ്രത്യേകമായ സഞ്ചാരം, 'ദേഹം മറച്ചു'- വായുതള്ളിക്കൊണ്ടുള്ള്തുടക്കം, 'വേറേയൊന്നായ് കേൾക്കേണമേ' എന്ന് മേൽസ്ഥായിയിലേയ്ക്കും തുടർന്ന് 'നാമധേയം' എന്നുതുടങ്ങി താഴ്യ്ക്കും സഞ്ചാരം. *'ഇന്ദുമൗലിഹാരമേ' എന്ന് ഓരോ പ്രാവശ്യവും വത്യസ്ഥങ്ങളായുള്ള ആലാപനം, 'ഖിന്നയാ'-സഞ്ചാരം, 'ചെന്നൂവാണു'-ഇഴുത്തം,