*కాలం ×వేగం = దూరం* రచయిత శ్రీ దొడ్డిగల్లు నారాయణ రావు

చిన్నప్పుడు లెక్కల సబ్జెక్టు లో.... ముఖ్యంగా కంపోజిిట్ మేథమాటిక్స్ లో ....రకరకాల లెక్కలు ఉండేవి.ఆల్జీబ్రా గుండె గాభరా అనుకునే వాళ్ళం. అలాగే కాలము....పని....కాలము....వేగము....కాలము....దూరము.... ఇలా కాలంతో ముడిపడి ఎన్నో ప్రాబ్లెంస్ సాల్వ్ చేసే వాళ్ళం. ప్రాబ్లెమ్ పూర్తిగా సాల్వ్ చేస్తే నూటికి నూరు మార్కులు....నాలుగైదు స్టెప్పులు కరెక్ట్ గా వేసి ఆ తర్వాత ఆన్సర్ సరిగా సాధించలేకపోతే పావో.... సగమో.... పాస్ మార్కులు దక్కేవి.... ఇప్పుడు ఆలోచిస్తే ఆనాడు సాధించగలిగిన ఆ లెక్కలు ....మార్కులు జీవితానికి అన్వయించుకుంటే....మనం జీవితంలో నూటికి నూరు శాతం విజయం సాధించామా....అర కొర మార్కులతో గట్టెక్కామా అని ఆలోచించుకుంటే....తెలుసుకోవాల్సిన సత్యం ఒకటి ఉంటుంది.జీవితం అంటే కూడికలు,తీసివేతలు,హెచ్చవేతలు, గుణకారాలు , భాగహారాలు కాదు.....జీవితం అంటే "ఒకానొక దూరాన్ని...సరిపడా వేగంతో...జీవించి గమ్యం చేరడం " ఇందులో కాలము....దూరము.... వేగము ఏవీ కూడా ఒకదానిని ఒకటి అధిగమించి , ఎక్కువ తక్కువలకు లోనుకాకుండా సమాంతరంగా ఒక సరళ రేఖలాగా సాగితే అది మాత్రమే సరియైన జీవితం ....జీవనము కూడా !" ఈ సత్యాన్ని ఎఱుకపరచేదే ఈ వారం మీరు వినబోతున్న కథ *కాలం ×వేగం = దూరం* రచయిత శ్రీ దొడ్డిగల్లు నారాయణ రావు.ఈయన గురించిగాని , వీరి ఇతర రచనల గురించిగాని వివరాలు లభ్యంకాలేదు.మంచి కథ అనిపించి వినిపిస్తున్నాను వినండి.💐🙏మీ కొప్పర్తి రాంబాబు , ఇండియన్ బాంక్ విశాఖసాగరతీరం.