കാട്ടാളൻ-ദമയന്തി (നളചരിതം രണ്ടാംദിവസം)

കാട്ടാളൻ-ദമയന്തി രംഗത്തിലെ പദങ്ങൾ, കുറുപ്പാശാന്റെ മനോഹരമായ അരങ്ങുപാട്ട്. കാട്ടാളന്റെ 'ആരവമെന്തിതറിയുന്ന' എന്നതുമുതൽ 'അംഗനേഞാനങ്ങുപോവതെങ്ങിനെ' വരേയുള്ള മേളക്കൊഴുപ്പാർന്നതും നൃത്തചുവടുകളോടുകൂടിയതുമായ പദഘണ്ഡങ്ങൾ അഭിനയത്തിനനുഗുണമായരീതിയിൽ, താളാത്മകമായും, ഇതിനിടയിലെ ദമയന്തിയുടെ പദങ്ങൾ ഏറ്റവും ശോകരസത്തോടെയും ആലപിച്ചിരിക്കുന്നു. കാട്ടാളന്റെ മേളക്കൊഴുപ്പാർന്ന പന്തുവരാടിരാഗ പദഘണ്ഡങ്ങൾക്കിടയിൽ ദമയന്തിയുടെ പുന്നാഗവരാളിരാഗപദത്തിലേയ്ക്ക് കടക്കുമ്പോൾ പെട്ടന്ന് അന്തരീക്ഷത്തിൽ ശോകരസം നിറയ്ക്കുവാൻ കുറുപ്പാശാനു നിഷ്പ്രയാസം സാധിക്കുന്നു. ശിങ്കിടിഗായകൻ-കലാനി:ഉണ്ണികൃഷ്ണൻ രംഗാവതരണശ്ലോകം ആലപിച്ചിരിക്കുന്നത് കലാ:ഗംഗാധരനും കലാനി:ഉണ്ണികൃഷ്ണനും ചേർന്നാണ്.