Kalvis Sležis-Zaļkalns – latgalīšu džezā ir loba tradicionaluo myzyka

Ar Muokslu izgleiteibys i kompetenču centra „Latgolys Muzykys i muokslys vydsškolys” džeza i myusdīnu ritmu muzykys izgleiteibys programys vadeituoju, sitaminstrumentalistu Kalvi Sleži–Zaļkalnu, kas ir ari vīns nu organizatoru konkursam "Guoyu pa Jazz" jeb II Storptautyskajam etnodžeza muzykys ansambļu konkursam runuosim par džezu Latgolā i latgaliskū džezā. Itūgod Latgolys Muzykys i muokslys vydsškolys džeza i myusdīnu ritmu muzykys izgleiteibys programai teik atzeimāts pīktais darbeibys gods. Kaidu vierzeibu tei dūd džezam Latgolā i cik moderns ci tradicionals i etno, folk voi pop elementus īkļaunūšs dzežs ite dzymst i dzeivoj? Taipat runuosim ari par naseņ aizvadeitū Storpautyskū etnodžeza konkursu "Guoyu pa Jazz". Ar kū Rēzeknis džezisti izaceļ iz puorejūs fona? „Nikas navar byut lobuoks par tū, kai redzēt jaunus cylvākus, kurim speid acs i kuri grib spieļuot. Tai ka uzvarātuoji beiguos esom mes vysi” soka Kalvis Sležis-Zaļkalns.