കേരളത്തിന്റെ സ്വന്തം Migrant തൊഴിലാളികൾ

കേരളത്തിന്റെ തൊഴിൽസേനയുടെ 18- 25 ശതമാനം വരുന്ന 35 ലക്ഷത്തോളം അന്തർ സംസ്ഥാന തൊഴിലാളികളുടെ ജീവിതം സമഗ്രമായി അന്വേഷിച്ച ഒരു ഗവേഷണപഠനത്തിന്റെ കണ്ടെത്തലുകളെക്കുറിച്ചാണ് ഈ സംഭാഷണം. കേരളത്തിന്റെ ഭരണകൂട സംവിധാനങ്ങളെയും തൊഴിൽ സംസ്‌കാരത്തെയും സാമൂഹിക- സാംസ്‌കാരിക ജീവിതത്തെയും നിശിതവിചാരണയ്ക്ക് വിധേയമാക്കുന്ന വെളിപ്പെടുത്തലുകളാണ്, എം.ജി യൂണിവേഴ്‌സിറ്റിയിലെ പഠനവകുപ്പുകൾ നടത്തിയ ഈ അന്വേഷണത്തിന്റെ ഉള്ളടക്കം. ANRF പ്രൊജക്റ്റ് പ്രിൻസിപ്പൽ ഇൻവെസ്റ്റിഗേറ്റർ ഡോ. ബിജുലാൽ എം.വി, പ്രൊജക്റ്റ് അസോസിയേറ്റ് നവാസ് എം. ഖാദർ എന്നിവരുമായി കെ. കണ്ണൻ സംസാരിക്കുന്നു.