ਕਹਾਣੀ ਬਾਂਸ ਤੋਂ ਬਾਂਸੁਰੀ ਤੱਕ - Punjabi Kahani Baans Ton Bansuri Tak - Ranjodh Singh - Radio Haanji

ਅੱਜ ਦੀ ਕਹਾਣੀ ਵਿੱਚ ਇੱਕ ਬਾਂਸੁਰੀ ਅਤੇ ਇਨਸਾਨ ਦੀ ਗੱਲਬਾਤ ਨੂੰ ਅਧਾਰ ਬਣਾ ਕੇ ਇਨਸਾਨ ਦੇ ਮਨ ਦੀ ਭਟਕਣ ਦੇ ਅਹਿਸਾਸ ਨੂੰ ਦਰਸਾਇਆ ਗਿਆ ਹੈ, ਇਨਸਾਨ ਆਪਣੀ ਸੋਚ ਦੀਆਂ ਗੁੰਝਲਾਂ ਵਿੱਚ ਹਰ ਵੇਲੇ ਉਲਝਿਆ ਰਹਿੰਦਾ ਹੈ, ਜ਼ਿਆਦਾਤਰ ਉਲਝਣਾਂ ਇੰਜ ਦੀਆਂ ਹੁੰਦੀਆਂ ਹਨ ਜਿੰਨ੍ਹਾਂ ਨੂੰ ਉਹ ਕਦੇ ਨਹੀਂ ਸਮਝ ਪਾਉਂਦਾ ਕਿ ਇਹ ਉਲਝਣ ਹੈ ਕਿਉਂ, ਕਹਾਣੀ ਦੋ ਪੱਖ ਉਜਾਗਰ ਕਰਦੀ ਹੈ ਇੱਕ ਜਦੋਂ ਕੋਈ ਵੀ ਛੈਅ ਜਾਂ ਫਿਰ ਇਨਸਾਨ ਇੱਕ ਅਜਿਹੀ ਸਟੇਜ ਵਿਚੋਂ ਲੰਘਦਾ ਹੈ ਜੋ ਉਸਨੂੰ ਤੋੜਦੀ ਹੈ, ਪ੍ਰੇਸ਼ਾਨ ਕਰਦੀ ਹੈ, ਦੁੱਖ ਦੇਂਦੀ ਹੈ, ਜਿਥੋਂ ਅਕਸਰ ਮਨ ਦੀ ਭਟਕਣ ਉਪਜਦੀ ਹੈ ਅਤੇ ਫਿਰ ਦੂਜਾ ਪੱਖ ਜਦੋਂ ਉਸ ਸਟੇਜ ਵਿਚੋਂ ਲੰਘ ਕੇ ਦੁੱਖ ਸਹਿ ਕੇ ਇਨਸਾਨ ਪ੍ਰਪੱਕ ਹੋ ਜਾਂਦਾ ਹੈ ਅਤੇ ਸਾਰੀ ਜ਼ਿੰਦਗੀ ਉਸ ਤਜ਼ਰਬੇ ਦੀ ਵਰਤੋਂ ਕਰਕੇ ਕਈ ਮੁਸਕਲਾਂ, ਭਟਕਣਾ ਅਣਜਾਣੇ ਵਿੱਚ ਹੀ ਹੱਲ ਕਰ ਲੈਂਦਾ ਹੈ, ਇਹ ਇੱਕ ਪ੍ਰੀਕਿਰਿਆ ਜੋ ਬਾਂਸੁਰੀ ਨੂੰ ਇੱਕ ਆਮ ਬਾਂਸ ਦੇ ਟੋਟੇ ਤੋਂ ਕਿ ਆਪਣੀ ਟਾਹਣੀ ਤੋਂ ਅਲੱਗ ਕਰ ਦਿੱਤਾ ਗਿਆ ਹੈ, ਉਸ ਵਿੱਚ ਕਈ ਜਗਾਹ ਸ਼ੇਕ ਕੀਤੇ ਗਏ ਹਨ, ਉਸਨੂੰ ਉਸਦੇ ਮੂਲ ਸਰੂਪ ਤੋਂ ਬਦਲ ਕੇ ਉਹ ਰੂਪ ਦਿੱਤਾ ਗਿਆ ਜਿਸ ਰੂਪ ਨੇ ਉਸਦੀ ਜ਼ਿੰਦਗੀ ਬਦਲ ਦਿੱਤੀ ਅਤੇ ਏਨਾ ਦੁੱਖ ਸਹਿ ਕੇ ਹੁਣ ਇਹ ਬਾਂਸ , ਬਾਂਸੁਰੀ ਬਣਕੇ ਵੱਖ-ਵੱਖ ਦੁਨੀਆਂ ਦੇ ਜਰੀਏ ਇੱਕ ਨਵੀਂ ਹੋਂਦ ਹਾਸਿਲ ਕਰ ਚੁੱਕਾ ਹੈ ਅਤੇ ਉਸ ਵਿਚੋਂ ਨਿਕਲਣ ਵਾਲਿਆਂ ਧੁਨੀਆਂ ਉਸਨੂੰ ਇਕ ਖਾਸ ਮੁਕਾਮ ਹਾਸਿਲ ਕਰਵਾ ਚੁੱਕੀਆਂ ਹਨ, ਇਸੇ ਤਰ੍ਹਾਂ ਇਨਸਾਨ ਵੱਖ-ਵੱਖ ਪੜਾਵਾਂ ਵਿਚੋਂ ਗੁਜਰਦਾ ਹੈ, ਆਪਣੇ ਆਪ ਨੂੰ ਤੋੜਦਾ ਹੈ ਅਤੇ ਅੰਤ ਉਹ ਇੱਕ ਨਵੀਂ ਹੋਂਦ ਨਵੇਂ ਮੁਕਾਮ ਨੂੰ ਹਾਸਿਲ ਕਰਦਾ ਹੈ, ਕਹਾਣੀ ਸਾਡੇ ਸਭ ਦੇ ਮਾਨਸਿਕ ਉਧੇੜ-ਬੁਣ ਨੂੰ ਬਹੁਤ ਸੋਹਣੇ ਢੰਗ ਨਾਲ ਬਿਆਨ ਕਰਦੀ ਹੈ ਅਤੇ ਇਹ ਸੰਦੇਸ਼ ਦੇਂਦੀ ਹੈ ਕਿ ਮਧੁਰ ਸੁਰ ਤਦ ਹੀ ਪੈਦਾ ਹੋ ਸਕਦੇ ਹਨ ਜੇਕਰ ਆਪਣੇ-ਆਪ ਨੂੰ ਉਸ ਪੱਧਰ ਤੱਕ ਲੈ ਕੇ ਜਾਇਆ ਜਾਵੇ