Хрысціна Дарапей. “Правы зрух”: ці прывядзе ён да ўлады AfD і чым гэта небяспечна

Практычна ўсе еўрапейскія краіны маюць патрэбу ў працоўных руках і, адпаведна, зацікаўленыя ў працоўнай міграцыі. Але перасцярогі, што замест працоўнай краіна атрымае вялікую нелегальную міграцыю, прыводзяць да таго, што міграцыйная палітыка ЕС становіцца ўсё больш жорсткай. А рост папулярнасці правых партый з іх антымігранцкімі лозунгамі — да змен нацыянальнага заканадаўства краін Еўрасаюза. А тое, што правыя партыі будуць і далей не толькі набіраць папулярнасць, але і, што цалкам магчыма, прыходзіць да ўлады, відаць па росце рэйтынгаў AfD у Германіі. Як змяняецца палітыка Германіі пад кіраўніцтвам канцлера Мерца і чаму шмат хто ў перакананы, што яго ўрад кідае краіну “ў сцяну”? Ці здолее цяперашняя кааліцыя працягнуць яшчэ пару гадоў і чым небяспечная дамінацыя AfD у выпадку перавыбараў? Чаму адбываецца правы зрух у пытаннях бяспекі і міграцыі і як пытанне мігрантаў палярызуе грамадства? На гэтыя ды іншыя пытанні ў эфіры Еўрарадыё адказвае сяброўка Пашыранай рады беларускага аб’яднання ў Германіі Razam, каардынатарка фестывалю Minsk x Minga, супрацоўніца ўніверсітэта Пасау (The University of Passau) Хрысціна Дарапей