Kjarasamningur, Gaza og hergagnaframleiðsla í Evrópu

7. mars 2024 Fulltrúar Eflingar, Samiðnar og Starfsgreinasambandsins undirrituðu í dag kjarasamning við Samtök atvinnulífsins, fyrir hönd um það bil 70.000 félaga í hreyfingunum þremur. Samningurinn gildir í fjögur ár og nefnist Stöðugleika- og velferðarsamningur. Vilhjálmur Birgisson, formaður Starfsgreinasambandsins, segir þetta tímamótasamning og er sannfærður um að hann verði samþykktur af yfirgnæfandi meirihluta félagsmanna. Ævar Örn Jósepsson ræðir við Vilhjálm. Vonir eru að engu orðnar um að samið verði um vopnahlé á Gaza áður en Ramadan, föstumánuður múslima, gengur í garð í næstu viku. Samninganefnd Hamas-samtakanna hélt frá Kaíró í morgun, þar sem viðræður hafa staðið yfir að undanförnu um möguleika á fjörutíu daga vopnahléi. Ásgeir Tómasson tók saman. Allsherjarinnrás Rússa í Úkraínu hefur fsannfært leiðtoga Evrópusambandsins um nauðsyn þess að bæta verulega í framleiðslu hergagna. Þetta voru í það minnsta skilaboðin á fundi framkvæmdastjóra Evrópusambandsins á þriðjudag, þar sem samþykkt var tillaga um að stórauka þessa framleiðslu á næstu árum. Umsjón: Ævar Örn Jósepsson Tæknimaður: Mark Eldred.