កម្ពុជានិងថៃបញ្ជាក់ជាថ្មីនូវការប្តេជ្ញាចិត្តគោរពសេចក្តីថ្លែងការណ៍រួមគូឡាឡាំពួ

មុនពេលបិទបញ្ចប់កិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី លោកនាយករដ្ឋមន្ត្រី ហ៊ុន ម៉ាណែត បានជួបប្រជុំទ្វេភាគី និងពិភាក្សាការងារ ជាមួយលោក អានុទីន ចាន់វីរៈកុល ( Anutin Charnvirakul ) នាយករដ្ឋមន្ត្រីថៃ កាលពីព្រឹកថ្ងៃទី២៨ ខែតុលា។ នៅក្នុងកិច្ចប្រជុំនេះ ភាគីទាំងពីរ បានពិភាក្សាលើសេចក្តីថ្លែងការណ៍រួម គូឡាឡាំពួ ដែលត្រូវបានចុះហត្ថលេខា កាលពីថ្ងៃទី២៦ ខែតុលា ឆ្នាំ២០២៥។