கம்பராமாயணம் 539

கம்பராமாயணம்... சுக்கிரீவன் கும்பகருணனின் காதையும் மூக்கையும் கடித்துச் செல்லுதல். காண்டம் - யுத்த காண்டம். படலம் - கும்பகருணன் வதைப் படலம். பாடல் எண் - 539 நாள் - ஐந்நூற்று முப்பத்தொன்பதாவது நாள். மத்தகம் பிளந்து பாய் உதிரம் வார்ந்து எழ வித்தகன் சரம் தொட மெலிவு தோன்றிய சித்திரம் பெறுதலின் செவியும் மூக்கும் கொண்டு அத் திசை போயினன் அல்லது ஒண்ணுமோ?. விளக்கம் - நெற்றிப் பிழந்து பாய்கின்ற உதிரம் மிகுதியாக வெளிப்பட இராமன் அம்பினால் மெலிவை அடைந்த தக்க சமயம் கிடைத்ததால் காதையும், மூக்கையும் கடித்துக் கொண்டு தமர் இருந்த அந்த இடத்தைப் போய் சேர்ந்தான் அவ்வாறில்லா விட்டால் முடியுமோ?. கு. பாஸ்கர்.... அபுதாபி