கம்பராமாயணம் 574

கம்பராமாயணம்... இலக்குவன், வீடணன் உரையாடல். காண்டம் - யுத்த காண்டம். படலம் - நாகபாசப் படலம் பாடல் எண் - 574 நாள் - ஐந்நூற்று எழுபத்து நான்காவது நாள். பல் பதினாயிரம் தேவர் பக்கமா எல்லை இல் சேனை கொண்டு எதிர்ந்த இந்திரன் ஒல்லையின் உடைந்தனன் உயிர் கொண்டு உய்ந்துளான் மல்லல் அம் தோளினாய் அமுதின் வன்மையால். விளக்கம் - பெருமை மிகுந்த அழகிய தோள்களை உடையவனே பதினாயிரக்கணக்கான தேவர்கள் பக்கபலமாக வர அளவில்லாத படைகளை கொண்டு இந்த இந்திரசித்தனை எதிர்த்த இந்திரன் அமுதம் உண்டதன் காரணமாக விரைவில் தோற்றவனாகியும் கூட உயிரை விடாமல் கொண்டு தப்பிப் பிழைத்துள்ளான்.. கு. பாஸ்கர்.... அபுதாபி