കോസ്മെറ്റിക് സർജറി: സൗന്ദര്യശാസ്ത്രത്തിന്റെ പുതിയ മുഖം

കോസ്മെറ്റിക് സർജറി, അല്ലെങ്കിൽ എസ്തെറ്റിക് സർജറി, ഒരു വ്യക്തിയുടെ രൂപസൗന്ദര്യം വർധിപ്പിക്കുന്നതിനായി നടത്തുന്ന ശസ്ത്രക്രിയാ ശാഖയാണ്. സാധാരണയായി അപകടം, രോഗം, അല്ലെങ്കിൽ ജന്മനാ വരുന്ന വൈകല്യം എന്നിവ കാരണം നടത്തുന്ന റീകൺസ്ട്രക്റ്റീവ് സർജറിയിൽ നിന്നും വ്യത്യസ്തമായി, കോസ്മെറ്റിക് സർജറിയുടെ പ്രധാന ലക്ഷ്യം ശരീരഭാഗങ്ങളുടെ അനുപാതം മെച്ചപ്പെടുത്തലാണ്.ആധുനിക വൈദ്യശാസ്ത്രത്തിന്റെ പുരോഗതിയും, സമൂഹത്തിലെ സൗന്ദര്യധാരണകളിലെ മാറ്റങ്ങളും, മാധ്യമങ്ങളുടെ സ്വാധീനവും എല്ലാം കൊണ്ട് കഴിഞ്ഞ ഏതാനും ദശകങ്ങളിൽ കോസ്മെറ്റിക് സർജറിയ്ക്ക് വലിയ ​പ്രചാരമേറിയിട്ടുണ്ട്. സാധാരണ ചെയ്യുന്ന ശസ്ത്രക്രിയകൾക്കിടയിൽ ഫേസ്‌ലിഫ്റ്റ്, റൈനോപ്ലാസ്റ്റി (മൂക്കിന്റെ രൂപം മാറ്റൽ), ലിപോസക്ഷൻ, ബ്രസ്റ്റ് ആഗ്മെന്റേഷൻ, ബോട്ടോക്സ്, ഡെർമൽ ഫില്ലേഴ്സ് എന്നിവ പ്രധാനമാണ്.കോസ്മെറ്റിക് സർജറി ഒരാളുടെ ആത്മവിശ്വാസം ഉയർത്താൻ സഹായിക്കുമ്പോൾ തന്നെ, അതിന്റെ റിസ്കും, നൈതികതയും, മാനസിക ഘടകങ്ങളും അതീവ പ്രസക്തമാണ്. അതുകൊണ്ടുതന്നെ, ഇത് വൈദ്യശാസ്ത്രത്തിലും സമൂഹത്തിലും ഒരുപോലെ ചര്‍ച്ച ചെയ്യപ്പെടുന്നു. കോസ്മെറ്റിക് സർജറിയെ കുറിച്ച് സംസാരിക്കുന്നു കോഴിക്കോട് ബേബി മെമ്മോറിയൽ ഹോസ്‌പിറ്റലിലെ പ്ലാസ്റ്റിക് സർജറി വിഭാഗം മേധാവിയും സീനിയർ കൺസൾട്ടന്റും ചീഫുമായ ഡോ. കൃഷ്ണകുമാർ കെ.എസ്.